اللهجه الكويتيه.. وقدرتها علي صنع المعاني (60)

احرف وكلمات وعبارات تقال في اللهجه الكويتيه ولا تستخدم بمعناها في العربيه: ا: الالف القمريه توضع في اول الكلمات يتبعها حرف الباء، مثل: ابقول لك سالفه، ابمشي وراهم، ابقط السياره عند البيت، ابروح معاهم... ا، ش: الالف الشمسيه والشين حرفان متلازمان يلحقان بالكلمات والمعني للاستفهام، مثل: اشعندك، اشرايك، اشتبي، اشلونك، اشفيك... ب: حرف الباء يوضع في اول الكلمات، مثل: بقعد، بنام، بمشي، بروح، بحرك، بسبح، بسافر... او يلحق بالكلمه للدلاله علي تاكيد حريه الاختيار، مثل: براحتكم، بكيفكم، بللي يصير... وقد تستخدم للعبارات السيئه، مثل: باللي ما يرده، باللي ياخذه... وقد تستخدم علي العزم علي الفعل او القول، مثل: بقولك، بكلمهم، بنروح المكان الفلاني، بنعزمهم... خ: حرف الخاء يلحق في اول الكلمات، مثل: خلنا نروح، خلنا نقعد، خنسافر، خنمشي، خنقعد... ش: حرف الشين يلحق بالكلمات والمعني للتعجب، مثل: شسالفه، شالدناعه... وايضا قد يلحق بالكلمه دلاله علي الرغبه في اخذ المشوره، مثل: شالراي، شنسوي، شالدبره... وقد تستخدم للاخبار عن شيء مثل: شبقول لك، شبسولف لك، شبوصف لك... ك: حرف الكاف يلحق بالكلمات، ويعني «هذه هي» او «هذا هو»، مثل: كسياره، كالغيمه... كالولد، كالبيت... هـ: حرف الهاء يعني «هذه» وتلحق بحرفي الالف اللام، مثل: هالروحه، هالسالفه، هالقصه، هالبيت... اكو: كلمه بمعني «هل يوجد»، مثل: اكو ماي؟ اكو چاي؟ اكو مكيف بالسياره؟ اكو برد اليوم؟... تكفه: كلمه تستخدم بمعني التمني علي الشخص بفعل او قول شيء ما، مثل: تكفه روح له، تكفه ييبه، تكفه قول له، تكفه خله ايي، تكفه لا تروح، تكفه بروح وياكم، تكفه شوف الباب... راح: كلمه تستخدم لتاكيد القول او الفعل، مثل: راح نروح، راح ناكل، راح نسافر، راح اقوله، راح اوصف له، راح اقص له القصه... شفيك: وتعني ماذا دهاك، مثل قولهم: شفيك صاير دعله؟ شفيك ما تشوف؟ شفيك صاير ما تسمع الكلام؟... شكو: بمعني «لماذا»؟ مثل: شكو نايم؟ شكو قاعد؟ شكو رايح هذا هذا المكان، ويقال ايضا: شكو ماكو: وهي عباره تعني ما الاخبار؟ ما الجديد؟ شلون: كلمه تقال للاستفسار عن الحال وليس المقصود هنا السؤال عن اللون، مثل: شلون صحتك؟ شلون طلعتكم؟ شلون سفرتكم؟ شلون خادمكم؟... عاد: كلمه تستخدم للتاكيد علي الامر، مثل: عاد اقولك، عاد رايحين المكان الفلاني، عاد شروا لهم بيت زين... قاعد: كلمه قد تستخدم لغير الدلاله، والمعني للوصف: مثل: قاعد نسبح، قاعد ناكل، قاعد امشي، قاعد انزل من الدرج، قاعد اقولك عاد... فلا معني لاستخدامها البته. ماكو: كلمه تعني عدم وجود الشيء، مثل: ماكو ماي، ماكو كهربا، ماكو حر اليوم، ماكو ريوق اليوم، ماكو سالفه... ودي وودنا: كلمه تدل الرغبه في القول او الفعل، مثل: ودي اقول لك، ودي اسمع لك، ودي نروح، ودنا نسافر، ودنا نمشي، ودنا نقعد... وين: كلمه يقصد بها «اين»، مثل: وين رايحين؟ وين سيارتكم؟ وين قاعدين؟ وين بيتكم؟... يبا: كلمه تستخدم هنا لغير معناها الاصلي وهو مناداه الاب، فهي تستخدم هنا للنداء القريب بقصد التوكيد للكبير والصغير مثل: يبا رايحين المكان الفلاني، يبا قلنالهم، يبا سوينا كل شي، يبا روح المدرسه... يا خوي: عباره تستخدم للنداء القريب، مثل: يا خوي شقولك؟ يا خوي شوصف لك؟ يا خوي شيردهم؟ يا خوي وين رايح؟... يا معود: عباره تستخدم للنداء القريب، مثل: يا معود شقول لك؟ يا معود ششرح لك؟ يا معود عيزنا منهم... يا ريال: قد تقال للرجل، او خلافه، وتكون في اول الكلام، مثل: يا ريال تعبنا وياهم، يا ريال شفت شلون؟ يا ريال وينك امس؟... يبي، يبيله، يبيلنا: كلمات تدل علي الرغبه في شيء قولا او فعلا، مثل: يبي له مكيف، يبي يقول له سالفه، يبي يكلمه، يبي يسافر، يبي يشتري شيء ما...، يبيله سفره، يبيله قعده علي البحر، يبيله نروح نتعشي...، يبيلنا نقول لهم، يبيلنا نكلمهم، يبيلنا نروح البحر، يبيلنا نتسوق... د. سعود محمد العصفور