یونان میں آگ بجھانے والی دو ہیلی کاپٹرز کے ٹکرانے سے دو افراد ہلاک

یونان میں جنگلات کی آگ بجھانے کے لیے مخصوص دو ہیلی کاپٹرز کے ٹکراؤ کے نتیجے میں دو افراد ہلاک ہو گئے، اس دوران شدید موسمی حالات اور تیز ہوائیں ملک کے متعدد علاقوں میں لگی آگ سے نمٹنے کی کوششوں میں رکاوٹ بن رہی ہیں۔

قومی موسمیاتی رصد گاہ نے بتایا کہ کورنٹھ کے خلیج کے علاقے میں الگ الگ آگ نے 6500 ہیکٹر سے زائد رقبے کو اپنی لپیٹ میں لے لیا، جبکہ دارالحکومت ایتھنز کے قریب ساحلی قصبہ پورٹو جیرمینو پر بھی آگ بھڑک اٹھی۔

یونانی وزیر اعظم کیریاکوس میٹسوتاکس نے خبردار کیا کہ ملک شدید موسمی حالات اور تیز ہواؤں کا سامنا کر رہا ہے، جن کی رفتار اکثر گھنٹے میں 100 کلومیٹر تک پہنچ جاتی ہے۔

انہوں نے فیس بک پر ایک پوسٹ میں کہا کہ اتنی تیز ہوائیں آگ بجھانے کے لیے مخصوص درجنوں طیاروں کو محفوظ حالات میں کام کرنے سے روک رہی ہیں، جس سے آگ پر قابو پانا مزید مشکل ہو گیا ہے۔