ناسا کے سیٹلائٹ کو فضا میں جلنے سے بچانے کی کوشش ناکام

امریکی خلائی ایجنسی ناسا نے جمعرات کو اعلان کیا کہ خلا میں پھنسے اپنے پرانے ٹیلی سکوپ کو فضا میں جلنے سے بچانے کی ایک پیچیدہ مہم ناکام ہو گئی، کیونکہ بچاؤ کی مہم کے لیے مقررہ خلائی جہاز کو کنٹرول کرنا ناممکن ہو گیا۔

اب یہ امکان ہے کہ کائنات میں سب سے طاقتور دھماکوں کا مطالعہ کرنے والے خلائی ٹیلی سکوپ 'سوئفٹ' زمین کی واپسی کے دوران اس سال بعد میں ٹوٹ پھوٹ کا شکار ہو کر گر جائے گا۔

اس منفرد اقدام، جس کی لاگت 30 ملین ڈالر آئی، میں خلائی ٹیلی سکوپ کو مدار میں زیادہ دور منتقل کرنے کے لیے ایک روبوٹ بھیجا گیا تھا۔

ناسا کے ڈائریکٹر جیڑ آئزک مین نے کہا کہ 'یہ وہ نتیجہ نہیں تھا جس کی ہم کوشش کر رہے تھے، لیکن اس سے یہ حقیقت تبدیل نہیں ہوتی کہ یہ مہم کوشش کے قابل تھی۔'

سائنسدان امید کر رہے تھے کہ یہ مہم دیگر مصنوعی سیاروں کو دوسری زندگی دینے کے راستے ہموار کرے گی۔

آئزک مین نے مزید کہا کہ 'ٹیم نے سوئفٹ کو مزید سائنسی تحقیق کا موقع دینے کے لیے تیزی سے حرکت کی، اور اس کے ساتھ ہی مستقبل میں امریکہ کو مصنوعی سیاروں کی خدمت کے لیے درکار صلاحیتوں کو بھی مضبوط بنایا۔'

امریکی نوجوان کمپنی 'کیٹالسٹ' نے خلائی روبوٹ تیار کیا، جسے 'پیگاسس' نامی چھوٹے راکٹ کے ذریعے لانچ کیا گیا، جو خود ایک طیارے سے چھوڑا گیا تھا۔

جمعرات کو مہم کی ناکامی کا اعلان کرتے ہوئے، کمپنی 'کیٹالسٹ' نے اشارہ کیا کہ 'پوزیشننگ کنٹرول میں مسلسل مسائل' کی وجہ سے ناسا کے ساتھ مل کر مہم منسوخ کرنے کا فیصلہ کیا گیا۔