अहमदीमा ७७३ किलो खराब माछा बरामद

अहमदी प्रान्तको सुरक्षा प्रशासनले कुवेतका अधिकारीहरू, स्थानीय निकायहरू र सम्बन्धित संस्थाहरूसँगको सहकार्यमा कुत समूह र लन्जत नक्कास्थित माछा बजारमा सुरक्षा र निगरानी अभियान सञ्चालन गरेको छ। यो अभियान नियम उल्लंघन गर्नेहरूलाई नियन्त्रण गर्न, कानूनको पालनालाई प्रोत्साहन गर्न र सार्वजनिक स्वास्थ्यलाई सुरक्षित राख्नका लागि निरन्तर गरिँदै आएको प्रयासको अंग हो। यस अभियानमा तटीय रक्षामा तैनाथ प्रशासन, खाद्य र पोषण प्राधिकरण, श्रम शक्ति प्राधिकरण, वाणिज्य तथा उद्योग मन्त्रालय, वातावरण प्राधिकरण र वातावरण प्रहरीले सहभागिता जनाएका थिए।

अभियानको परिणामस्वरुप ७७३ किलोग्राम खराब माछा बरामद गरियो, जसको जिम्मेवार व्यक्तिलाई पक्राउ गरी उनको विरुद्ध कानुनी कारबाही प्रक्रिया अगाडि बढाइयो। साथै, दुई जना व्यक्तिलाई नशामा भेटिएपछि नियन्त्रणमा लिइयो भने अर्का दुई जना व्यक्तिको इकामा (निवास अनुमति) समाप्त भएकाले कानुन उल्लंघन गरेको भन्दै पक्राउ गरियो।

आन्तरिक मामिला मन्त्रालयले सार्वजनिक स्वास्थ्यलाई सुरक्षित राख्न, नियम उल्लंघन गर्नेहरूलाई नियन्त्रण गर्न र लागू कानून तथा विनियमहरूको पालनालाई बलियो बनाउन सम्बन्धित निकायहरूसँगको सहकार्यमा सुरक्षा अभियानहरू निरन्तर जारी राख्ने बताएको छ।