चीनको सिचुवानमा ४.९ रेक्टर स्केलको भूकम्पका कारण १ जनाको मृत्यु र ६ जना घाइते

आज शुक्रबार चीनको दक्षिण-पश्चिमी सिचुआन प्रान्तमा भूकम्प गएको थियो, जसका कारण एक जनाको मृत्यु भएको छ भने अर्को छ जना घाइते भएका छन्। स्थानीय अधिकारीहरूले प्रभावित क्षेत्रमा अवस्थाको मूल्याङ्कन गर्न विशेष टोलीहरू पठाएका छन्।

चीनको भूकम्जाल केन्द्र र आधिकारिक टेलिभिजनका अनुसार, स्थानीय समय अनुसार दिउँसो एक बजेपछि भएको यो भूकम्प ६ किलोमिटरभन्दा कम गहिराइमा भएको थियो, जसले यसको प्रभावलाई दोब्बर बनाएको थियो।

आधिकारिक सञ्चारमाध्यमहरूले जनाए अनुसार, एक जनाले सुरक्षित ठाउँ खोज्ने क्रममा भित्ता ढल्दा मृत्यु भएको छ भने छ जना घाइतेहरूको अवस्था हल्का रहेको बताइएको छ।

चीनका सञ्चारमाध्यमहरूले स्थानीय अधिकारीहरूले भूकम्पपछि आपतकालीन उपायहरू अपनाएको र प्रभावित क्षेत्रमा अवस्थाको मूल्याङ्कन गर्न टोलीहरू पठाएको उल्लेख गरेका छन्।