स्पेनमा बाढीले हाहाकार; एक महिलाको मृत्यु र दर्जनौंको उद्धार
आज शनिबार स्पेनका अधिकारीहरूले १०२ वर्षीया एक महिलाको मृत्यु भएको र देशको दक्षिण-पूर्वी भागमा रहेको माड्रिगेरस गाउँमा आएको बाढीपछि ९० जनाको उद्धार गरिएको जानकारी दिएको छन्।
स्पेनमा हालसम्मकै सबैभन्दा तातो गर्मीको लहर चलिरहेको छ, जसको कारण अगस्ट महिनामा करिब २१५० जनाको तापसँग सम्बन्धित कारणले मृत्यु भएको अनुमान गरिएको छ।
कास्टिल-ला-मन्चा क्षेत्रका अधिकारीहरूले शुक्रबार परेको भारी वर्षापछि माड्रिगेरसका सडकहरूमा सवारी साधनहरू तैरिरहेको र यसले व्यापक उद्धार अभियान सञ्चालन गर्न बाध्य पारेको बताएका छन्।
उद्धारकर्ताहरूले माड्रिगेरसमा रहेको एक घरमा पानीको सतह एक मिटरभन्दा माथि पुगेको अवस्थामा मृतक महिलाको शव फेला पारेका छन्।
