फिलिपिन्समा फेरी भएको आगलागीमा ५ जनाको मृत्यु, दर्जनौं बेपत्ता

फिलिपिन्सको पश्चिमी भागमा रहेको पालावान प्रान्तको एक पर्यटकीय स्थलको नजिकै एक फेरीमा आगलागी हुँदा कम्तीमा पाँच जनाको मृत्यु भएको र ८७ जना बेपत्ता भएका छन्, आज बिहीबार कोस्ट गार्डले घोषणा गरेको छ।

कोस्ट गार्डका अनुसार, मंगलबार राति 'एम/भी जुन अष्टर' नामक फेरीमा आगलागी भएको थियो, जुन तटबाट करिब २.२ किलोमिटर टाढा थियो। कोस्ट गार्डले पाँच वटा शव निकालेर सुख्खा जमिनमा पुर्याएको जानकारी दिएको छ।

आज बिहान स्थानीय रेडियोमा कुरा गर्दै कोस्ट गार्डकी प्रमुख नोएमी कायाबियापले हालसम्म ४२ जना (३८ यात्रु र ४ जना कर्मचारी) को उद्धार गरिएको बताइन्।