ला लिगामा एथ्लेटिक बिल्बाओले एथ्लेटिको मद्रिदलाई ३-० ले पराजित गर्यो

मड्रिड, सेप्टेम्बर ५ (कुना) -- स्पेनिस फुटबल लिगको चौथो खेलसप्ताह अन्तर्गत आज शनिबार भएको खेलमा एथलेटिक बिल्बाओले एथलेटिको मड्रिडलाई तीन गोलमाथि शून्य गोलले पराजित गरेको छ। सान मामेस मैदानमा भएको यो खेलमा एथलेटिक बिल्बाओका लागि निको विलियम्सले ४६औं मिनेटमा पहिलो गोल गर्दै आगन्तुकलाई अग्रता दिलाए भने दुई मिनेटपछि उनका साथी रोबर्ट नाभारोले दोस्रो गोल थपे। खेलको मूल समयको अन्तिम मिनेटमा मध्यपंक्ति खेलाडी ओइहान सानसेले एथलेटिक बिल्बाओका लागि तेस्रो गोल गर्दै टोलीलाई तीन अंकको जित दिलाए। यस जितसँगै एथलेटिक बिल्बाओले आफ्नो अंक सङ्ख्या छ पु¥याउँदै लिग तालिकामा सातौं स्थानमा उक्लियो भने एथलेटिको मड्रिडको अंक सङ्ख्या सात नै रहँदै छटौं स्थानमा स्थिर रह्यो। उही खेलसप्ताह अन्तर्गत उपविजेता रियल मड्रिडले शुक्रबार रियल बेतिस्ससँग शून्य गोलमाथि एक गोलले पराजय स्वीकार गर्दै यस सिजनको पहिलो हार बेहोरेको छ। अग्रस्थानमा रहेको बार्सिलोनाले आइतबार भालेन्सियासँग खेल्नेछ। (समाप्त) एन एन डी / टि एम ए