स्पेनको तिनरिफेका खेलाडीको मैदानमै हृदयघात भएपछि मृत्यु

स्पेनको तिनेरिफे फुटबल क्लबले आज मंगलबार बिहान ३० वर्षीय खेलाडी हेसुस दे मिगेल अल्मेडाको मृत्यु भएको घोषणा गरेको छ। उनको मृत्यु स्पेनको दोस्रो डिभिजन लिगमा क्लब तिनेरिफे र एन्डोराबीच भएको खेलमा एन्डोराका गोलकिपर खेसुस ओनोसँगको भयानक ठक्करपछि भएको थियो।

क्लबले आधिकारिक विज्ञप्ति जारी गर्दै खेलाडीको बिहान ८ बजे मृत्यु भएको जानकारी दिएको छ। क्लबले आफ्नो गहिरो शोक व्यक्त गर्दै उनको परिवार, मित्रहरू र तिनेरिफेका प्रशंसकहरूप्रति समवेदना जनाएको छ।

मिगेल, जसले तिनेरिफेका लागि आक्रमणकारी खेलाडीको भूमिका निर्वाह गर्थे, खेलको क्रममा हृदयघातको शिकार भएपछि तत्काल अस्पताल पुर्याइएको थियो। यो दुर्घटना खेलको अन्तिम चरणमा तिनेरिफेको होम स्टेडियम 'हेलियोडोरो रोड्रिगेज लोपेज'मा भएको थियो। खेलको क्रममा मिगेलले मध्यमै बलको लागि प्रतिस्पर्धा गर्दै गर्दा एन्डोराका गोलकिपर खेसुस ओनोसँग ठोक्किएका थिए।

खेल १०८औं मिनेटमा २-२ को बराबरीमा पुगेको अवस्थामा रोकिँदा खेलाडीलाई अस्पताल पुर्याइएको थियो।