रियल म्याड्रिडले बेतिस्सलाई भेट्दैछ

रियल म्याड्रिडले आज शुक्रबार स्पेनिस ला लिगाको चौथो चरणअन्तर्गत ‘ला कार्टुखा’ मैदानमा रियल बेतिस्सविरुद्ध आफ्नो उत्कृष्ट सुरुवातलाई निरन्तरता दिने लक्ष्य राखेको छ। ‘मिल्ने’ टोलीले वर्तमान तालिकामा दोस्रो स्थान ओगटेको छ र शीर्ष स्थानमा रहेको बार्सिलोनासँग ९ अंकको बराबरी गरेको छ, जबकि रियल बेतिस्सले तीन खेलमा ६ अंक जोडेर सातौं स्थानमा छ। रियल म्याड्रिडका पोर्चुगिज प्रशिक्षक जोसे मोरिनियोले रियल बेतिस्सविरुद्धको खेलको महत्त्वलाई जोड दिएका छन्। उनले बिहीबार बेतिस्ससँगको खेलअघि पत्रकार सम्मेलनमा भने, ‘रियल म्याड्रिडले आफ्नो उत्कृष्ट प्रदर्शन गर्नुपर्छ। रियल बेतिस्स एक उत्कृष्ट टोली हो; जित्नको लागि तपाईंले आफ्नो सर्वोत्कृष्ट प्रदर्शन गर्नुपर्छ।’ सोही चरणअन्तर्गत शनिबार एथ्लेटिक बिल्बाओले एथ्लेटिको म्याड्रिडसँग, रायो भ्यारिकानोले र्यासिङ्ग सेन्टान्डरसँग, र भियारियलले देपोर्टिभो लाकुन्यासँग खेल्नेछन्।