नासाले पहिलो पटक एउटा कालो कुण्डाले तारा खाने र अत्यधिक चम्किलो प्रकाश छोड्ने अवलोकन गरेको छ

मेरिल्यान्ड विश्वविद्यालय र अमेरिकी अन्तरिक्ष एजेन्सी नासाको गडार्ड स्पेस फ्लाइट सेन्टरका अनुसन्धानकर्ताहरूले एक अनोखो खोज गर्दै, एक ग्यालेक्सीको केन्द्रबाट टाढा रहेको अति विशाल ब्ल्याक होलको अवलोकन गरेका छन्। यो ब्ल्याक होलले आफ्नो प्रचण्ड गुरुत्वाकर्षण शक्तिले एक तारालाई फाँडेर सोसेको थियो, जसले खोज्न गाह्रो हुने घुम्ने ब्ल्याक होल्सबारे राम्रोसँग बुझ्न नयाँ बाटो खोलेको छ। साइन्सडेइली.कमका अनुसार, नासाको निल गेर्जेल्स स्विफ्ट पर्यवेक्षण केन्द्रले 'टिडल फोर्सिङ इभेन्ट' वा 'टिडल डिस्टर्पसन इभेन्ट' को कारण उत्पन्न भएको अत्यधिक चम्किलो चमकको अवलोकन गरेको थियो। यो घटना तब हुन्छ जब एक तारा ब्ल्याक होल धेरै नजिक पुग्छ र त्यसको प्रचण्ड गुरुत्वाकर्षणले त्यसलाई फाँड्दै त्यसको पदार्थ सोस्छ। यो घटना एक ग्यालेक्सीको केन्द्रबाट ३०,००० प्रकाश वर्षभन्दा धेरै टाढा र पृथ्वीबाट करिब ७५० मिलियन प्रकाश वर्ष टाढा रहेको ठाउँमा भएको थियो। चमकले करिब १० लाख सूर्यको पिण्ड भएको ब्ल्याक होलको अस्तित्व प्रकट गर्यो, र यसको चमकको शिखरमा करिब १० अर्ब सूर्यको चमक बराबर पुग्यो, जसले अस्थायी रूपमा त्यो ग्यालेक्सीको चमकलाई पनि नाघ्यो।