माड्रिडको उत्तरमा लागेको जंगली आगाले १३ हजार हेक्टर जग्गा जलाएको छ

स्पेनका अधिकारीहरूले गत बिहीबार म्याड्रिडको उत्तरमा करिब १०० किलोमिटर टाढा लागेको आगलागीले १३ हजार हेक्टर जमिन जलाएको र सयौं मानिसहरूलाई सुरक्षित स्थानमा सार्नु परेको जानकारी दिएको छ। स्पेनको मध्य भाग कास्टिल-ला-मन्चका फायर सेवामा अनुसार, गुआडालाखारा क्षेत्रको ला मियर्ला गाउँमा लागेको वन आगलागीले १३ हजार हेक्टर जमिन जलाएको र ७०० भन्दा बढी मानिसहरू प्रभावित भएका छन्। सयौं फायर फाइटरहरूले हेलिकप्टरको सहयोगमा आगो नियन्त्रणमा लिन खटिरहेका छन्। पहाडी र वन्यजन्तु क्षेत्र गुआडालाखारामा, विशेष गरी सिएरा नोर्टे राष्ट्रिय निकुञ्जमा लागेको यस आगलागीमा कुनै मानवीय क्षति भएको छैन। यो निकुञ्जमा लोप हुने खतरामा रहेका इगल, भेडा र तितलीका प्रजातिहरू पाइन्छन्। यो आगलागी स्पेनको उत्तर-पूर्वमा सर्गोसा नजिकै बुधबार लागेको अर्को आगलागीपछि थपिएको हो। स्पेनले भोलिदेखि नयाँ ताप लहरको तयारी गरिरहेको छ, जसमा केही दूरदराजका क्षेत्रहरूमा तापक्रम ४५ डिग्री सेल्सियसभन्दा माथि पुग्न सक्छ। हालै, जुलाई ९ मा दक्षिणी स्पेनको एन्डालुसियामा लागेको आगलागीले १३ जनाको मृत्यु भएको र ७ हजार हेक्टर जमिन जलेको थियो, जुन स्पेनको इतिहासका सबैभन्दा भयानक आगलागीहरू मध्ये एक थियो।