ബാങ്കോക്കിലെ കെട്ടിടത്തിന് തീപിടിച്ചു; മൃതദേഹങ്ങളുടെ എണ്ണം 32 ആയി

ബാങ്കോക്ക് - എഎഫ്പി - ബാങ്കോക്കിലെ ഒരു നൈറ്റ്ക്ലബിൽ ഞായറാഴ്ച രാത്രി ഉണ്ടായ കനത്ത തീപിടുത്തത്തിൽ മരിച്ചവരുടെ എണ്ണം 32 ആയി ഉയർന്നതായി തായ്ലന്റ് അധികൃതർ അറിയിച്ചു. രാജ്യത്തെ നൈറ്റ്ക്ലബുകളിൽ കൂടുതൽ കർശനമായ നിയന്ത്രണം ഏർപ്പെടുത്താൻ സർക്കാർ തീരുമാനിച്ചതായും അവർ വ്യക്തമാക്കി.

ആദ്യ റിപ്പോർട്ടിൽ 27 പേർ മരിച്ചതായി അറിയിച്ചിരുന്നു. എന്നാൽ പിന്നീട് പരിക്കേറ്റ ചിലർ മരിച്ചതോടെ മൊത്തം മരണസംഖ്യ 32 ആയി ഉയർന്നതായി ചാതുച്ചാക്ക് ജില്ലാ അധികൃതർ സ്ഥിരീകരിച്ചു.