രണ്ട് ആഴ്ചയ്ക്കുള്ളിൽ ജലീബിൽ തകർന്നുവീഴാൻ സാധ്യതയുള്ള 263 കെട്ടിടങ്ങൾ ഇടിപ്പിച്ചു

കുവൈത്ത് മുനിസിപ്പാലിറ്റി ജലീബ് അൽ ഷെയ്ഖ് മേഖലയിലെ 263 കെട്ടിടങ്ങൾ നീക്കം ചെയ്യാൻ ഉത്തരവിട്ടു. ഔദ്യോഗിക ഗസറ്റിൽ പ്രസിദ്ധീകരിച്ച ഉത്തരവ് പ്രകാരം, ഉടമകൾക്ക് ഉത്തരവ് പ്രസിദ്ധീകരിച്ച തീയതിയിൽ നിന്ന് രണ്ട് ആഴ്ചയ്ക്കുള്ളിൽ കെട്ടിടങ്ങൾ ഒഴിപ്പിക്കുകയും ഇടിപ്പിക്കുകയും വേണം. പൊതുമരാമത്ത് മന്ത്രാലയത്തിന്റെ കീഴിലുള്ള ഗവൺമെന്റ് പരിശോധന, ഗുണനിലവാര നിയന്ത്രണം, ഗവേഷണ മേന്ദ്രത്തിന്റെ റിപ്പോർട്ടുകളിൽ കെട്ടിടങ്ങളുടെ ഘടനാപരമായ അസ്ഥിരതയും അവ തകർന്നുവീഴാനുള്ള സാധ്യതയും ജീവനും സ്വത്തും പൊതുസുരക്ഷയ്ക്കും ഭീഷണിയുമാണെന്നും തെളിഞ്ഞിട്ടുണ്ട്. മുനിസിപ്പാലിറ്റി ജനറൽ മാനേജർ പുറപ്പെടുവിച്ച ഉത്തരവ് 'കുവൈത്ത് ടുഡേ' പത്രത്തിന്റെ ഞായറാഴ്ച ലക്കത്തിൽ പ്രസിദ്ധീകരിച്ചു. ഉടമകൾ നിശ്ചിത സമയത്തിനുള്ളിൽ കെട്ടിടങ്ങൾ ഇടിപ്പിക്കാത്ത പക്ഷം, അവ നീക്കം ചെയ്യുന്ന ചെലവ് ഉടമയുടെ പേരിൽ വരുമെന്ന് ഉത്തരവിൽ വ്യവസ്ഥയുണ്ട്.